Autor: tis (---.devs.futuro.pl)
Data: 2005-07-11 14:55
Przede wszystkim, Ślónzoki niy pozdrowiajóm sie "Szczęść Boże", bo we ślónski mowie ni ma dźwiynków "ę", "ą". Bez tóż my, Ślónzoki godomy "Szynść Boże" a łodpowiadómy tak samo. Kej Górny Ślónsk bół pod władzóm Prusów, to za te "szczynść Boże" szło łod sztajgra, forarbajtra abo policyjanta po pysku dostać a we latach wojny powołanie do Wehrmachtu i wysłanie na ostfront.
A niy łodpowiado sie "daj Boże", bo Ślónzok, tyn ze downych Ślónzokow, keych jeszcze trocha tu na Ślónsku żyje, niechce nic dostować ale musi se na to zarobić. Na tyn przikłod: Ślónzok niy godo "dostołech mały abo tyż wielki geltak" (Polak ma wysoką albo niską pensję) ale powiado, iże dużo abo licho zarobio.
To takich pora słów ło tym jak sie na Ślónsku godo.
|
|